Action Music Tanzania

Monday, July 16, 2012

SERENGETI, MIKUMI, MANYARA TUNASHINDWA NINI KUFANYA HAYA?

11:37 PM AMTZ No comments

Barabara kuu ya Ecoduct De Woeste Hoeve A50, Netherlands; Nchi ya Netherlands inaidadi kubwa ya wanyama zaidi ya 600 ambao hutumia daraja hilo la aina yake kuvuka barabara.

HUU SI UHARIBIFU WA MAZINGIRA?

BREAKING Newzz>>>CHEGE apata ajali mbaya ya gari usiku huu Temeke

2:22 PM AMTZ No comments

BREAKING: Msanii CHEGE apata ajali mbaya ya gari usiku huu Temeke Dar es salaam, ameumia ila gari halifai kabisa. Chanzo ni mtu wa pikipiki

Dj Sek

Afande Sele azijibu shutuma za 20 Percent

9:13 AM AMTZ No comments

Uswahiba kati ya wasanii wawili wa Bongo Flava nchini, Afande Sele na 20 Percent umeingia dosari baada ya kutupiana maneno kila mmoja kwa nyakati tofauti kwenye vyombo vya habari.

Maneno hayo yalianza wiki iliyopita baada ya Afande Sele kuzungumza na Clouds FM na kudai kusikitishwa na kitendo cha swahiba wake 20 Percent cha kugoma kutumbuiza kwenye tuzo za muziki za Zanzibar wakati alikuwa amelipwa pesa zote.

Kufuatia mgomo huo, waandaaji walimpeleka lock-up msanii huyo na kubaki na laptop yake mpaka pale atakapowarudishia waandaji hao shilingi milioni moja waliyompa kwaajili ya kuperform kwenye tuzo hizo.

Hatimaye jana 20 Percent alizungumza na kituo hicho cha radio kuhusiana na tukio lenyewe na kusema kuwa Afande Sele amechanganyikiwa na anasumbuliwa na njaa ndio maana anamlaumu.

Akiongea kwa jaziba, 20 Percent amesema Afande Sele ni kama ‘mtoto’ na alimshangaa kufahamu kuwa alifika Zanzibar saa sita usiku bila kuwa sehemu ya kulala kutokana na waandaaji hao kuwa wababaishaji.

Leo (July 14) Afande Sele ametoa maelezo marefu kuhusiana na sakata hilo kupitia Facebook. Hivi ndivyo alivyoandika:

“Salaam Ndugu zangu wote mashabiki na wadau wa muziki wetu!!

Tamko langu kuhusiana na lugha zilizotolewa na Twenty Percent kuhusiana na show yetu ya Zanzibar Music Award.

Tulialikwa kwenye ZANZIBAR MUSIC AWARD, na kabla ya kazi makubaliano yote ya kazi kwa mujibu wa mkataba yalifuatwa, makubaliano hayo yalihusisha sisi kujigharamia gharama zote za nauli na Malazi (accomodation).

Tulifika Zanzibar salama, tulipokua Zanzibar twenty alitaka agharamiwe huduma zote ambazo ni nje ya mkataba wetu, nikamuomba na kumsihi sana ndugu yangu aheshimu mkataba, asitafute matatizo kwani tayari mpaka wakati huu tuna kesi na Halmashauri ya Manispaa ya Moro ambayo kimsingi sikuhusika (nilishatolea ufafanuzi siku za nyuma).

Lakini yeye alipingana na mimi, akanibishia na kunisukuma Mbele ya wageni na wenyeji wetu, wakiwemo Makamu wa pili wa Rais wa Zanzibar Balozi Seiph Ali Idi, Waziri Seiph Khatibu.

Walikuwepo waadishi wa habari wa siku Nyingi Akiwemo Abubakari Liongo (idhaa ya kiswahili radio Ujerumani), Mkurugenzi wa ZENJI FM ndugu Tua Saidi Tua.

Mimi Selemani Abdallah Juma Msindi sihusiki kwa namna yoyote, na tabia zisizo za kuridhisha zinazoonyeshwa na Ndugu yangu Twenty Percent, ambae nimekua nae nyumbani kwangu hata kabla ya Tuzo zake Tano (Kili Music Award) ambazo kazi hizo zote hizo kaandikia nyumbani kwangu siwezi kuwa na tatizo nae ni ndugu yangu kiimani na kikazi, hata kazi yangu niliyofanya nae kabla siku za nyuma "MBELE YAKO NYUMA YANGU" .. Kuna mstari Nilisema " ..Kuandika Rhyme kwenda Gym kimtindo kuonyesha Ugumu, bado unatakiwa uwe na nidhamu ya kweli, sio ya kumzuga Mwalimu, utajihukumu".

Nimekua nikisisitiza nidhamu kwa Ndugu zangu woote toka enzi za Ghetto BoyZ, Watupori na Mabwasha'Kingdom, ambao wengine hawafanyi sanaa, ila nipo nao kwenye Familia yetu kubwa hapa Tanzania. Nimesikitishwa na kitendo hicho. Siku zote nimekua mwenye kuhitaji suluhu kwa namna ya Amani.

Verry sorry kwa wote ambao mmefadhaika kwa hilo. Tuendelee kuwa pamoja na msisite kutoa ushauri wenu, maoni ili Game letu lisonge. MUNGU ATUBARIKI.

Asanteni sana.

Selemani Juma Abdallah Mutabhazi Msindi.

a.k.a Afande Sele (King of Rhymes)

Chanzo: Leotainment blog

MAFANIKIO YA CHAMELEONE KATIKA MAISHA

9:03 AM AMTZ No comments

Baada ya kukutana na staa wa muziki kutoka Uganda Jose Chameleone nimegundua kuna mambo mengi nilikua nayasikia tofauti na kuyasoma ambayo yeye ameyazungumza tofauti kabisa.
Nilikua sijui, kumbe Chameleone alianza kuenjoy kuwa staa kuanzia mwaka 2000 japo alianza muziki 1995, 2003/2004 ndio alianza kupata pesa na hapo ndipo maajabu yalianza kutokea kwa kuanza kutimiza ndoto.

Jose Chameleone hapa akiwa na Millard Ayo wa Clouds

Chameleone amesema “nilijenga nyumba yangu kwa miaka miwili ambapo 2005 ilimalizika na ikawa imegharimu shilingi milioni 200 -300 za kitanzania, wakati nilikua naijenga hiyo ndio pesa niliyokua nayo na nikasema kabla sijaipoteza acha nifanye kitu muhimu lakini Mungu akanibariki tena baada ya kujenga hiyo nyumba nikapata bahati nyingine nikaendelea na vitu vingine”

Jose Chameleone (katikati) akiwa kwenye shooting ya moja ya video

Exclusive na millardayo.com Mwimbaji huyu staa kutoka Uganda amesema vyanzo vyake vikubwa vya mapato kwa sasa ni kununua na kuuza ardhi, kuuza simu za mkononi ziitwazo Chameleone anazozitengeza China, kununua nyumba na kuziuza pia kupangisha nyumba.
kuhusu vyanzo vingine vya mapato Chameleone amesema “show pia zinatulipa sana Uganda japo siwezi kukwambia nalipwa bei gani kwa sababu sipendi kuonekana mtu wa kujisifia lakini kwa wiki moja naweza kupiga show mbili Kampala au Uganda, na kingine kinachotulipa sana ni Kampuni kubwa za biashara ambazo zikikuona una nguvu zinakuchukua na kukulipa vizuri kwa kufanya nao promoshen au mambo mengine ya mkataba wa biashara”

Hii ni kwa Hissani ya www.millardayo.com

MAFUNZO YA MUZIKI 2012

6:37 AM AMTZ No comments

MAFUNZO YA KUPIGA ALA ZA MUZIKI

3:32 AM AMTZ No comments

ACTION MUSIC TANZANIA (AMTZ) YENYE NAMBA YA USAJILI BST/4733 ITATOA MAFUNZO YA UPIGAJI WA ALA MBALIMBALI ZA MUZIKI (KWA VITENDO) KWA WATU WOTE

MAFUNZO YATAANZA: TAREHE 16/07/2012

MAHALI: IDARA YA SANAA NA SANAA ZA MAONESHO (FPA) CHUO
KIKUU CHA DAR ES SALAAM (SEHEMU YA MLIMANI)

NJOO UJIFUNZE MBINU ZA KITAALAMU ZA KUPIGA/KUCHEZA GITAA, KEYBOARD/PIANO, TARUMBETA, SAXOPHONE, KONGA, DRUM SET, NA UPIGAJI WA NGOMA ZA ASILI YA TANZANIA, BILA KUSAHAU MAFUNZO MAALUMU YA “BODY PERCUSSION” (Matumizi ya mwili kutengeneza midundo ya muziki) NA USOMAJI WA “NOTATION” YATAKAOTOLEWA NA WATAALAM WALIOBOBEA KATIKA TASNIA YA MUZIKI KUTOKA VYUO MBALIMBALI.

USAJILI UNAFANYIKA: IDARA YA SANAA NA SANAA ZA MAONESHO (FPA) CHUO KIKUU CHA DAR ES SALAAM (MLIMANI)

FOMU ZA USAJILI ZINAPATIKANA FPA SAA 4:00 ASUBUHI HADI SAA 10:00 JIONI KWA GHARAMA YA SHILINGI 3000/= TU. WAHI, NAFASI NI CHACHE.

KWA MAWASILIANO: +255 757 361 266

+255 714 553 239

+255 755 058 045

E-mail: actionmusictz@yahoo.com/mandolintz@yahoo.co.uk/mpepodamas@gmail.com

www.actionmusictz.blogspot.com

NYOTE MNAKARIBISHWA

Exclusive uchambuzi: Wazazi wa Dogo Janja fuatilieni maendeleo yake, msiwaachie Mapromota

1:31 PM AMTZ No comments

Dogo Janja

Na Dotto Kahindi-Thisday Magazine, Blog za mikoa

Mwezi Juni mwaka huu umekuwa ni mwezi wa huzuni na furaha kwa nyota wa muziki wa Bongo Fleva , Abdul Abubakar Chande ‘Dogo Janja’ kufuatia kutimuliwa na Baba yake kimziki Madee na baada ya siku chache kurejea Dar es Salaam na kuingia mkataba mpya na kampuni ya Mtanashati Entertainments.

Dogo Janja alitimuliwa na Madee na kurejeshwa kwao jijini Arusha kwa madai ya kushindwa kuzingatia masomo kwa kuendekeza utoro shuleni, kukosa mwenendo mwema kimaadili sababu ambazo hata hivyo Dogo Janja alizikanusha na kudai kuwa alikuwa akinyanyaswa na Madee.

Alidai kuwa akiwa chini ya usimamizi wa Madee alikuwa akilipwa posho kidogo baada ya kufanya maonyesho na kwamba Madee alihusika kumwibia pesa zake benki hali iliyomfanya kuwa na salio la Tsh.25, 000 elfu tu katika akaunti yake.

Hali ilikuwa hivyo na imeleta picha mbaya na kuibua maswali mengi kwa mashabiki wa muziki lakini lawama kubwa zinafaa kupelekwa kwa wazazi wa Dogo Janja ambao walimruhusu kwa moyo mweupe aje kuishi na watu ambao leo hii wanaonekana kuwa ni wahuni.

Pamoja na kutimuliwa na Madee lakini sasa sasa amerejea tena akiwa katika mwonekano mwingine, naamini muda mfupi aliokaa na wazazi wake walifanya mazungumzo ya kutosha na kufanya makubaliano ya nini kipewe kipaumbela katika maisha yake kwa sasa, ili kumjengea mafanikio yake kielimu na kimaisha pia.

Furaha aliyoipata baada ya kutua Bongo na kujiunga na kampuni ya Mtanashati Entertainments ya jijini Dar es Salaam, zisimfanye akajisahau tena na kuendeleza upuuzi alioufanya akiwa na Madee.

Tukubaliane wote kuwa Dogo Janja bado ni mtoto na anahitaji kupata mwongozo wa kutosha kutoka hasa kwa wazazi wake na watu walio juu ya uwezo wake ili kumsaidia kufanya kila hatua kwa usahihi asije kujuta baadaye.

Pengine kwa hatua ya nyota huyo cha kwenda kusomewa kisomo maalumu cha kuomba Mwenyezi Mungu amnyooshee mambo yake pindi atakapoanza kushusha ngoma mpya kinaweza kuonyesha kuwa kuna nia njema kwa watu alionao sasa.

Maneno ya Mkurugenzi wa kampuni hiyo Ostaz Juma na Musoma kuwa wameamua kumfanyia kisomo hicho kwa lengo la kuweka kazi zote za Dogo janja mikononi mwa Mungu ili kumkinga na watu wabaya ambao kwa namna moja ama nyingine hawajafurahishwa na mpango mzima wa dogo huyo kurejea Bongo.

Hata hivyo katika kipindi kifupi alichojiunga na kampuni hiyo Dogo janja amefanyiwa ‘shopingi’ ya nguvu kwenye maduka makubwa ya viwalo yaliyopo Mlimani City jijini Dar ambayo ilitumia zaidi ya shilingi Milioni 2.5.

Hivi ni miongoni mwa vitu vinavyomfanya Dogo Janja afurahie kuwa katika kampuni hiyo lakini lazima ajue kuwa nidhamu ya kazi ndiyo itamfanya aendelee kupata matunda hayo maana akiendelea kujifanya nunda na kupuuza ya wakubwa wake haitamsaidia.

2012 with new talents

10:59 AM AMTZ No comments

TANGAZO! TANGAZO! TANGAZO!

4:50 AM AMTZ No comments

ASASI YA ACTION MUSIC TANZANIA (AMTZ) YENYE NAMBA YA USAJILI BST/4733 IMEANDAA NA ITAENDESHA MAFUNZO YA MUZIKI (NADHARIA NA VITENDO) KWA WATU WOTE KUANZIA TAREHE 09/01/2012 IDARA YA SANAA NA SANAA ZA MAONESHO (FPA) CHUO KIKUU CHA DAR ES SALAAM.

USAJILI UNAFANYIKA KATIKA OFISI ZETU (AMTZ) ZILIZOPO SHULE YA MSINGI MWENGE KARIBU NA MARYLAND BAR, KILA SIKU KUANZIA 20/12/2011 HADI 7/1/2012, SAA 4:00 HADI SAA 7:00 MCHANA, NA SAA 8:00 HADI SAA 11:00 JIONI. FOMU ZA USAJILI ZINAPATIKANA OFISINI KWA GHARAMA YA SHILINGI 3000/= TU

MAFUNZO YATAKAYOTOLEWA NI PAMOJA NA NADHARIA YA MUZIKI, UCHEZAJI/UPIGAJI WA ALA ZA MUZIKI ZIKIWEMO GITAA, KEYBOARD/PIANO, TARUMBETA, SAXOPHONE, KONGA, DRUM SET, NA UPIGAJI WA NGOMA ZA ASILI YA TANZANIA.

PIA YATATOLEWA MAFUNZO YA “BODY PERCUSSION” (Matumizi ya mwili kutengeneza midundo ya muziki)

KWA MAWASILIANO:-

+255 757 361 266

+255 716 515 853

+255 755 058 045

E-MAIL: actionmusictz@yahoo.com

www.actionmusictz.blogspot.com

MAFUNZO YA MUZIKI AGOSTI 2011, FPA, UDSM

6:22 AM AMTZ No comments

Mwalimu wa muziki wa AMTZ Abeid Mussa akitoa maelekezo wakati mafunzo upande wa 'Music Ensemble'

Washiriki wa mafunzo ya muziki yaliyofanyika Agosti 8-21, 2011 wakifanya onyesho, katika kituo cha utamaduni cha Ujerumani, Goethe Institut-Tanzania kilichopo Upanga, Dar es Salaam

Thursday, August 18, 2011

12:49 PM AMTZ No comments

Invitation to a Concert

Saturday 20.08. 2011, Time: 19:30 - 20:40, Venue: Goethe-Institut

Action Music Tanzania Concert

Action Music Tanzania has organized a concert to show the results of 14 days

music training for budding musician from Dar es Salaam, Pwani and Shinyanga.

The participants of the music training will perform a Nyamwezi melody,

a Makonde melody and a body percussion.

Goethe-Institut Tanzania

Alykhan Road No. 63

Time: 19.30 - 20.40

Date: 20.08.2011

http://www.actionmusictz.blogspot.com/

Music Training, at FPA,UDSM

12:12 PM AMTZ No comments

MAFUNZO YA MUZIKI 10/08/2011

10:02 PM AMTZ No comments

Mwalimu Geofrey Charahani akitoa maelekezo ya namna ya upigaji sahihi na wa kitaalamu wa vyombo vya kupiga (percussive instruments), Six ni miongoni mwa wanafunzi wanaoshiriki mafunzo ya muziki Agosti mwaka 2011.

Mwalimu Abeid Mussa na mwanafunzi wake wa gita

Mwalimu Damas Mpepo akitoa maelekezo kwa mwanafunzi wake wa chombo cha kupuliza mbinu muhimu katika kutumia chombo hicho.

Kwa mara ya kwanza Ishara ama Six akipiga drum baada ya kupewa maelekezo na mwalimu wake Geoffrey Charahani

Viongozi na walimu wa AMTZ wakiwa katika picha na baadhi ya wanafunzi wa mafunzo ya muziki

Viongozi na walimu wa AMTZ, waliosimama kutoka kulia ni Mratibu Damas Mpepo, Joyce Kirio, Katibu Mtendaji Mandolin Kahindi, Mweka Hazina Abeid Mussa, Mratibu Msaidizi Lazaro Kayombo, Suleiman Makame, Kauzeni Lyamba na Geoffrey Charahan, waliokaa ni baadhi ya wanafunzi walioshiriki mafunzo ya muziki.